RECURSOS EN LIÑA PARA O COÑECEMENTO E DIFUSIÓN DA ARQUITECTURA FLUVIAL ETNOGRÁFICA NA PROVINCIA DA CORUÑA
Info.
O proxecto No curso da auga debate sobre o potencial do patrimonio arquitectónico etnográfico no bordo e no leito dos regatos e ríos da provincia da Coruña. Para tal fin, preséntase un inventario xeral de bens, no que se recollen ao redor de dous mil inmobles, do que, debido a súa alta densidade, destácase unha escolma presentada mediante fotografías e imaxes en movemento, acompañadas dun pequeno análise, así como da reacreación de composicións en 3D que contribúen a comprender a súa estrutura e a súa adecuación á contorna.
O obxectivo de resaltar esta selección de inmobles é facer fincapé na súa singularidade; no seu valor etnográfico e arquitectónico e na importancia da súa conservación e difusión, contribuíndo a evitar o seu deterioro ou a súa total desaparición. A toma de imaxes cun vehículo aéreo non tripulado pretende reforzar de xeito visual, cunha estética moi coidada, a idea principal do proxecto, é dicir, afondar no análise das arquitecturas etnográficas clasificadas en distintas tipoloxías (muíños e batáns, pesqueiras, fontes e lavadoiros) que se sitúan no ámbito de influencia das innumerables correntes fluviais, en como se adaptan ao territorio, condicionado polo discorrer da auga, ao tempo que se ofrece unha perspectiva novedosa para difundir o patrimonio neste tipo de iniciativas culturais.
PESQUEIRAS DO TAMBRE [1]
[NOIA]
As pesqueiras datan de época romana, gárdase documentación sobre as mesmas dende o século XI e aínda se conservan en dous dos principais ríos da provincia da Coruña, no Ulla e no Tambre. Neste último están formadas por grandes rochas entre cuxos ocos se dispoñen as cangallas, que sirven para a captura das lampreas, que durante a noite caen atrapadas nestes aparellos cando remontan a corrente. Son varios os puntos nos que se atopan estas estruturas ao longo do Tambre, coñecidas como pesqueiras, rodeiros ou caneiros, tanto no Concello de Brión, como nos de Noia e Outes.
[NOIA]
As pesqueiras datan de época romana, gárdase documentación sobre as mesmas dende o século XI e aínda se conservan en dous dos principais ríos da provincia da Coruña, no Ulla e no Tambre. Neste último están formadas por grandes rochas entre cuxos ocos se dispoñen as cangallas, que sirven para a captura das lampreas, que durante a noite caen atrapadas nestes aparellos cando remontan a corrente. Son varios os puntos nos que se atopan estas estruturas ao longo do Tambre, coñecidas como pesqueiras, rodeiros ou caneiros, tanto no Concello de Brión, como nos de Noia e Outes.